Testigo na NBI ed kason murder laban ed kinen Gov. Espino, binmaligtad la
Si controversial media man Jaimie Aquino, ama ng dating batang witness kontra kay Governor
Amado T. Espino, habang siya ay iniinterview ng mga kasama niya mamahayag.
DAGUPAN CITY – Binmaliktad la ed say sinumpaan ton palapag so binatilyon testigo na National Bureau of Investigation (NBI) ed kason murder Pangasinan Governor Amado Espino Jr. bilan mastermind ed inpamatey ed kinen datin Infanta Mayor Ruperto Martinez nen inbeneg ya taon.
Diad ginawan press conference ed baley ya Lingayen, inbunyag nen Jestin Aquino anak na peryodistan si Jaime Aquino ya tinaktakot da labat iya di dating Alaminos City Mayor Hernani Braganza, atalong kandidato ed pagka-gobernador nen inbeneg ya eleksyon nen Mayo atalong kongresistan si Bodie Pulido san binmatik ya Mayor na baley ya Alcala na si Manuel Tolentino pian ituro to so gobernador tan si First District Congressman Jesus Boying Celeste bilan mastermind ed inpamatey ed say alkalde.
Tinaktakoy kuno iya na talora ya no agto kaween so gangan ed sikato et ipapapatey da iya kanian anggapoy agawaan to no agga say idiin ed kaso si Espino.
Inpakabat met kuno iya nen Braganza kindi Interior Secretary Mar Roxas anggad kinen Presidente Benigno Noynoy Aquino III nen inyakar da iya ed Manila san pinilit iyan ontestigo laban ed gobernador.
Kasumpalan iya kunon akumbinsin pirmaan so statement san diman la insegep so kaso diad Department of Justice.
Natandaan ya pinaltog si Martinez na riding in tandem suspect nen Disyembre 15, 2012 legan iyan man papainawa diad arapan na abong to.
PRINCESS URDUJA 
Recent Comments